Dëshiron të studiosh në Europë? IELTS të ndihmon të mbërrish atje.
A e dini se mësimi në mijëra programe Bachelor, Master dhe PhD në të gjithë Europën jepet plotësisht ose pjesërisht në gjuhën angleze? Shumë institucione Europiane të arsimit të lartë – duke përfshirë një numër të madh të universiteteve private dhe shtetërore – e njohin IELTS si pjesë e kushteve të tyre për pranimin e gjuhës angleze.
IELTS njihet dhe pranohet në nivel ndërkombëtar nga shumë universitete që ofrojnë kurse ku mësimi jepet në gjuhën angleze, kështu që ai vlen edhe nëse planifikoni të studioni në vendin tuaj.
Edhe punëdhënësit, organet profesionale dhe agjencitë qeveritare në të gjithë Europën e pranojnë testin IELTS si një pasqyrim i saktë i aftësisë për të kuptuar, lexuar, shkruar dhe folur anglisht.
Zbulo se kush e njeh testin IELTS në Europë.
Studio në Itali
Studentët që zgjedhin të studiojnë në Itali do të shijojnë ushqimin e shijshëm, kulturën, historinë, si dhe një mirëseardhje të përzemërt. Udhëtimi nëpër këtë shtet është i lehtë dhe relativisht i lirë, duke ju lejuar të zbuloni bregdetin e bukur të Italisë ose të shijoni qytete të mëdha si Roma, Milano, Napoli dhe Venecia me tren ose autobus.
Italia është një destinacion i madh ndërkombëtar për studime dhe njihet si një qendër arsimore e Europës. Universitetet në qytete të mëdha të tilla si Roma, Bolonja, Milano dhe Firence ofrojnë një zgjedhje të larmishme të kurseve të mësuara në anglisht. Studentët madje mund të zgjedhin edhe të studiojnë në kurse me një përzierje të detyrave të kursit në gjuhën angleze dhe italiane.
IELTS mund të të ndihmojë të ndjekësh ëndrrën tënde për të studiuar në Itali.
Zbulo se kush e pranon testin IELTS në Itali.
Të studiosh në Gjermani
Gjermania ka krijuar shumë përvoja kulturore, që nga Oktoberfest në Mynih, karnavalet në Këln, deri tek vendet historike në Berlin, ka diçka për secilin.
Nëse vendos të studiosh në Gjermani, mund të përfitosh nga vendndodhja e saj qendrore në Europë dhe të udhëtosh pa vizë në të gjithë zonën Shengen. Është gjithashtu një nga vendet më të lira në botë për studentët ndërkombëtarë pasi universitetet publike nuk kërkojnë tarifa shkollimi, por vetëm tarifa të vogla administrative ose semestrale.
Shumë universitete gjermane, veçanërisht universitetet e Shkencave të Aplikuara, theksojnë të mësuarit praktik dhe bashkëpunojnë me bizneset për t'u ofruar studentëve përvojë pune në jetën reale si dhe praktikë, duke siguruar që të diplomuarit e tyre të jenë të përgatitur për botën e biznesit.
IELTS është dëshmia e preferuar e zotërimit të gjuhës angleze në universitetet gjermane.
Zbulo se kush e pranon testin IELTS në Gjermani.
Të studiosh në Hollandë
A e dini se Hollanda vazhdon të renditet ndër vendet më të lumtura në botë, duke u renditur e pesta në Raportin Botëror të Lumturisë 2023?
Ajo gjithashtu ka krijuar lidhje të shkëlqyera me vendet e tjera Europiane, duke të dhënë lirinë për të udhëtuar, ndërkohë që studion. Me aq shumë destinacione nga të cilat mund të zgjedhësh, ti mund të kalosh fundjavën në Berlin, Paris ose Bruksel.
Nuk flet hollandisht? Mos u shqetëso! 95% e popullsisë flet anglisht, që do të thotë se është e lehtë të komunikosh dhe ka shumë kurse (mbi 2,000) që jepen në anglisht në universitetet e Holandës.
Përveç ofrimit të shumë mundësive për të mësuar anglisht, hollandezët janë të njohur në mësimdhënie për qasjen e tyre ndërvepruese me në qendër studentët, që do të thotë se studentët zhvillojnë një sërë aftësish që nga zgjidhja e problemeve deri tek mendimi krijues.
Zbulo se kush e njeh testin IELTS në Holandë.
Studio në Francë
Eksplorimi i Francës si student mund të të ndihmojë të zhvillosh një perspektivë për botën dhe të vlerësosh kulturën dhe historinë e të tjerëve. E njohur për kulturën, kuzhinën, artin dhe jetën e natës, ajo është një destinacion tërheqës për studentët ndërkombëtarë.
Ajo gjithashtu ka lidhje të shkëlqyera me vendet e afërta, duke të ofruar mundësinë për të eksploruar më shumë Europën. Kur është fjala për arsimin, Franca ofron një përvojë të madhe multikulturore dhe të shoqërueshme të studimit me më shumë se 1,600 kurse angleze në dispozicion.
IELTS njihet nga universitetet kryesore franceze, kolegjet private dhe institucionet e tjera të arsimit të lartë, si dhe punëdhënësit privatë dhe agjencitë qeveritare (përfshirë ASEP) si një tregues i besueshëm i aftësisë së një individi për të komunikuar në gjuhën angleze.
Zbulo se kush e pranon testin IELTS në Francë.
Studio në Spanjë
Spanja është një vend unik dhe i larmishëm me një nga klimat më të mira në planet.
Spanjollët janë të orientuar drejt komunitetit dhe janë të njohur për natyrën e tyre miqësore dhe mikpritëse, gjë që e bën atë një vend të shkëlqyeshëm për studentët ndërkombëtarë që kërkojnë një shtëpi larg shtëpisë.
Me 76 universitete, 45 prej të cilave drejtohen nga shteti, Spanja ofron shumë zgjedhje për studentët ndërkombëtarë. Qasja e saj novatore dhe komerciale ndaj mësimdhënies e bën atë një destinacion të shumëkërkuar studimi jashtë vendit, duke tërhequr gati 100,000 studentë ndërkombëtarë çdo vit.
Po mendon të studiosh në Spanjë? IELTS mund të të ndihmojë të ndjekësh ëndrrën tënde.
Zbulo se kush e njeh testin IELTS në Spanjë.