Bërja e ndryshimit: Çfarë thanë gazetarët e rinj për programet tona

Projekti "Media for All" ("Media për të Gjithë") ka qenë një "akademi" për Median Amfora. Përgjatë tij ekipi ynë zhvilloi qasje të reja dhe forcoi raportimin me profesionalizëm. Gjithashtu audienca jonë u angazhua më shumë, duke na ndihmuar që të bëjmë një raportim edhe më cilësor.   Profesionsitët e rinj përballen me sfida të shumta në një mjedis mediatik gjithnjë e më të brishtë ndaj zhvillimeve shoqërore dhe politike. Nga ana tjetër mediat e vogla ku profesionsitët e rinj punojnë kanë kapacitete teknike dhe financiare të kufizuara.  

Unë sapo kisha filluar karrierën time si gazetare në vitin 2021 kur publikova artikullin tim të parë të raportimit hulumtues. Prandaj nisma Media for All dhe shansi për të marrë pjesë në të ishte një shtysë e madhe për mua.

Motivimi kryesor për të marrë pjesë në projektin Media for All ishte mundësia për trajnime dhe punëtori.

Situata në skenën tonë mediatike është e tillë që pikat e medieve, kryesisht mediet PËR të rinjtë të krijuara nga të rinjtë, janë pothuajse të padukshme, ekonomikisht të paqëndrueshme dhe mbijetojnë vetëm falë vullnetit të jashtëzakonshëm të individëve të përgatitur të japin nga vetja e tyre përtej kapacitetit të tyre, duke besuar se mund të bëjnë një ndryshim pozitiv.

Unë kam dëgjuar për projektin Media for All dy vite më herët kur TV Mitrovica u bë pjesë e këtij programi.. Kur u njoftova për mundësitë që ofron atëherë besova se do të jetë një gjë e mirë për mua personalisht dhe për mediumin ku punoj. Në TV Mitrovica unë unë jam koordinatore e programit  Engaged Citizens Reporting dhe mendoj që kjo është ndër eksperiencat më të mira që kam pasur gjatë punës time disa vjeçare në media.

Të rinjtë që punojnë në media kanë nevojë për mbështetje në të gjitha aspektet. Kështu, e pashë pjesëmarrjen në projektin Media for All si një mundësi të shkëlqyer për ekipin tim dhe veten time si shkrimtare dhe redaktore që sapo kam filluar karrierën time. Si redaksi për të rinjtë, ne përpiqemi të përmirësojmë punën tonë çdo ditë dhe programi Media for All na dha një mundësi për të mësuar shumë dhe për të fituar përvojë.